പിടക്കോഴി

Saturday, November 04, 2006

ഇറവെള്ളത്തിലെ തോണി - കഥ

ഇടി വെട്ടി മഴ പെയ്ത രാത്രിയില്‍ അവള്‍ പറഞ്ഞത് “ചേട്ടാ.. വല്ലതെ തണുക്കുന്നു”.
സന്തോഷം കൊണ്ട് അവളെ കെട്ടിപ്പിടിച്ച് മനസ്സുകുളിര്‍ത്ത് ഒന്നുറങ്ങി ഏറെ നാളുകള്‍ക്ക് ശേഷം. ഉറക്കത്തില്‍ ഇറവെള്ളത്തില്‍ തോണിയിറക്കാന്‍ അവളിറങ്ങിപ്പോയത് അയാളറിഞ്ഞതേയില്ല. .

ചാണകമെഴുകിയ തറയില്‍, ഒരു മൂലയില്‍ വിരലുകളിട്ട് അയാള്‍ ചുരണ്ടി ചുരണ്ടി ഓട്ടയുണ്ടാക്കി. അവിടെ നിന്ന് ഉറുമ്പുകള്‍ വരുന്നതും നോക്കി അയാളിരുന്നു. ചുമരില്‍ അടര്‍ന്നു പൊയ തേപ്പിനിടയിലൂടെയും ചിതല്‍പ്പുറ്റുകള്‍ നോക്കി ഭയപ്പടോടെ ഓര്‍ത്തു
കുട്ടികള്‍ വരുമ്പോള്‍ ഇനി ഞാന്‍ എന്താ‍ പറയുക… .
പിന്നെ സമാധാനിച്ചു.
അവരു വരട്ടെ എന്തെങ്കിലു പറയാം.
മൂ‍ത്രം നനഞ്ഞ് നാറ്റം തുടങ്ങിയ മുണ്ടില്‍ മുട്ടുകാലിലിരുന്ന് അയാള്‍ കടലാസില്‍ തോണികളുണ്ടക്കാന്‍ തുടങ്ങി.
അയാളുടെ കണ്ണിലപ്പോള്‍ ഇറവെള്ളവും അവളും മാത്രമായി.

9 Comments:

  • At 9:56 PM, Blogger ഹേമ said…

    കൂട്ടരെ,
    വീണ്ടും നിങ്ങള്‍ക്കുമുമ്പില്‍ ഒരു കഥയുമായി.
    ‘കരള്‍ വെന്ത മണം’ കവിത യ്ക്ക് നല്‍കിയ സ്നേഹവും ആത്മാര്‍ത്ഥതയും തുടര്‍ന്നും നല്‍കുമെന്ന് പ്രതീക്ഷിക്കുന്നു.
    ഈ തോണി നിങ്ങളില്‍ എന്തെങ്കിലും ഒരു വികാരം സൃഷ്ടിച്ചുവെങ്കില്‍ ഞാന്‍ ധന്യയായി.- സിമി.

     
  • At 1:24 AM, Blogger ഞാന്‍ ഇരിങ്ങല്‍ said…

    വരികള്‍ക്കിടയില്‍ ഒളിഞ്ഞിരിക്കുന്ന വായിച്ചെടുക്കാന്‍ പറ്റിയ വളരെ നല്ല കുറുങ്കഥ.
    കരള്‍ വെന്ത മണം ഞാന്‍ ഏറെ ഇഷ്ടപ്പെടുന്നുവെങ്കിലും
    ‘ഇറവെള്ളത്തിലെ തോണി’ നന്നായി.
    സ്നേഹത്തോടെ
    രാജു

     
  • At 6:46 AM, Blogger Unknown said…

    സിമീ,
    നന്നായിട്ടുണ്ട്. കരള്‍ വെന്ത മണവും ഇഷ്ടപ്പെട്ടിരുന്നു.(അല്‍പ്പം കരിഞ്ഞിരുന്നോ?) :-)

     
  • At 10:55 PM, Blogger ഹേമ said…

    ഞാന്‍ ഇരിങ്ങല്‍ , ദില്‍ബാസുരന്‍:
    ഒരു പാട് നന്ദിയുണ്ട്.
    കഥ വായിച്ചതിനും കമന്‍ റിയതിനും.

    2 ദിവസമായിട്ടും കാര്യമായി ആരും ഈ കഥ വായിച്ചില്ലെന്നറിയുമ്പോള്‍ കഥയിലെന്തോ കുഴപ്പുണ്ടെന്നൊ അല്ലെങ്കില് നന്നായില്ലെന്നൊ മനസ്സിലാക്കാം.
    എങ്കിലും ദില്‍ ബാസുരാ‍ നന്ദി.
    ഞാന്‍ ഇരിങ്ങല്‍ നന്ദി,
    സിമി.

     
  • At 10:58 PM, Blogger സു | Su said…

    കഥ ഇഷ്ടമായി :)

     
  • At 11:09 PM, Blogger Rasheed Chalil said…

    സിമി ഒത്തിരി ഇഷ്ടമായി കെട്ടോ. നല്ല കഥ

     
  • At 12:48 AM, Blogger ഹേമ said…

    സു: നന്ദി :
    ഇത്തിരിവെട്ടം : നന്ദി . താങ്കളുടെ കഥ വായിച്ചു. ഞാന്‍ കമന്‍ റാം.

     
  • At 12:55 AM, Blogger ചില നേരത്ത്.. said…

    കൂട്ടരെ,
    വീണ്ടും നിങ്ങള്‍ക്കുമുമ്പില്‍ ഒരു കഥയുമായി.
    ‘കരള്‍ വെന്ത മണം’ കവിത യ്ക്ക് നല്‍കിയ സ്നേഹവും ആത്മാര്‍ത്ഥതയും തുടര്‍ന്നും നല്‍കുമെന്ന് പ്രതീക്ഷിക്കുന്നു.
    ഈ തോണി നിങ്ങളില്‍ എന്തെങ്കിലും ഒരു വികാരം സൃഷ്ടിച്ചുവെങ്കില്‍ ഞാന്‍ ധന്യയായി.- സിമി.
    ,
    ഈ ഡയലോഗാ ഇഷ്ടമായത്.
    കഥ വായിക്കുകയും ചെയ്തു.

     
  • At 4:48 AM, Blogger മുസാഫിര്‍ said…

    കഥ ഞാന്‍ കണ്ടിരുന്നു,വരികള്‍ക്കിടയിലുള്ളത് വായിച്ചു ആരെങ്കിലും അര്‍ഥം പറയാന്‍ കാത്തിരിക്കുകയായിരുന്നു.

     

Post a Comment

<< Home